MIND DA NOISE: Nagkondena nga kalag

MINDANAO (MindaNews / 01 November) — Gi-timing siguro niya nga duol sa Kalag-Kalag magpatimaw

Ug sa dihang nabuhi gyud ang kalag sa tanan niyang sakop
Nga nangaluya kay wala nay ayuda

Ug si Tatay dili gyud moundang
Nagpa-ugat og napu ka oras
Sa pagyawyaw sa wa dire ug wa didto
Ang Senado nahimong
Gikan sa Masa Para sa Masa
Non-stop, no-commercial break, monopolized edition

Human sa unom ka tuig
Duha ka tuig na ang milabay

Droga gihapon iyang mantra

Patyon tamo
Patyon taka
Patay dire
Patay didto

Kana akong style
Buot mo, mayor mo?

Mamalakpak gihapon ang iyang mga sakop
Kung maghisgot og druga

High kaayo sila

murag kulto
Nga mas kuyaw pa sa kay Quiboloy

Nga mas gikahadlokan pa sa ungo

Wa daw syay sala
Kay para daw sa kaayuhan
Ang pumatay nang dahil sa ‘yo

Yowo!

Pisik ang laway sa akong katapad
Nga nalingaw sa iyang sangyaw

Murag lab-as pa ang dugo
Nga napisik sa eskinita
Sa yanong pusher
Sa batang Kian

Hala kalag-kalag na gyud
nangalupad na tanan spirito
nagbangutan

Mangampo nga maluwas sila
Pero mamalakpak sa dautang kalag

Nga nagsangyaw nga siya
Andam mag adtog impyerno

Hala, soloha
Wala koy plano moantos
Sa inyong pagka werla

(Mind Da Noise is a column by jaded Mindanawon observers.)